Vi er takksame for og støttar oppfordringa frå 19 tidlegare statsrådar som ber Norge om å vera med og ta imot einslege mindreårige og barnefamiliar frå Moria-leiren på Lesbos i Hellas.
Fleire europeiske land, som Tyskland og Luxembourg, har starta med å hente ut nokre. Trass i Korona-krisa vil Tyskland og Luxembourg no hente ut henhaldsvis 50 og 12. Vi er klar over og støtter at Norge har gjeve og gir bistand til å handtera situasjonen i Hellas. Hellas treng også vår solidaritet.
Men vi må òg vera med på å ta imot nokre her.
Vi har nettopp feira påske der ein i kyrkja stansar ved Jesu kross. Gjennom dette minnest vi kyrkja si oppgåve til å kjenna att smerta og lidinga sitt ansikt lokalt og globalt. No påkallar ansikta til borna og dei einslege mindreårige i flyktningeleiren i Moria oss. Dei treng medkjensle og solidaritet.
Vi oppfordrar regjeringa til at Norge skal vera med på dugnaden med å evakuera barnefamilar og einslege mindreårige frå Moria-leiren. Det hastar!
Biskopene i Den norske kirke
Kristin Gunnleiksrud Raaum, leder i Kirkerådet
Kristine Sandmæl, leder i Mellomkirkelig råd for Den norske kirke
Erhard Hermansen, generalsekretær i Norges kristne råd